ننګرهار؛ د ګوشتې ولسوالۍ د واليبال سيالۍ د چکنور لوبډلې په بريا پای ته ورسېدې
د ننګرهار ولايت د بدني روزنې او ورزش رياست او واليبال فدراسيون له لوري، په ګوشته ولسوالۍ کې د ۸ لوبډلو ترمنځ د واليبال سيالۍ د چکنور لوبډلې په بريا پای ته ورسېدې.
د دغو سياليو په پايلوبه کې چکنور لوبډلې خپلې سيالې سربند لوبډلې ته په دوو ميدانونو ماتې ورکړه او اتلولي يې خپله کړه.
د نوموړو سياليو د پايلوبې په مراسمو کې د يادې ولسوالۍ ورزشي مسوولينو، قومي مشرانو، ورزشکارانو او د ورزش مينوالو برخه اخيستې وه.
بايد يادونه وشي چې دغو سياليو لس ورځې دوام وکړ او موخه يې د قومونو ترمنځ يووالی ياد شوی دی.
