په سعودي کې د افغانستان فوټبال ملي لوبډلې د چمتووالي څلورمه دوره تمرینات ترسره کړل
د سعودي عربستان په پلازمېنه ریاض کې د افغانستان د فوټبال ملي لوبډلې د تمریناتي کمپ په دوام د یکشنبې په شپه خپل څلورمه دوره تمرینات د عبدالله المطیري تر څارنې لاندې ترسره کړل.
د افغانستان د فوټبال ملي لوبډله د مرکزي اسیا د فوټبال سیالیو ته د ښه چمتووالي په موخه د جون په ۱۰مه سعودي عربستان ته تللې ده.
د افغانستان د فوټبال ملي لوبډله د مرکزي اسیا په فوټبال سیالیو کې د ایران او قرغزستان له ټیمونو سره په یوه ګروپ کې ده او په پام کې ده چې په دې سیالیو کې د ګډون په موخه سبا چهارشنبه د غبرګولي په ۱۷مه قرغزستان ته ولاړه شي.
افغان لوبډله به خپله لومړۍ لوبه د غبرګولي په ۲۰ نېټه د قرغېزستان په وړاندې ترسره کړي.
