کابل؛ په المپیک ملي کمېټې کې ۳۰ ورزشکارانو د پارکور نندارې وړاندې کړې
د المپیک ملي کمېتې په انګړې کې ۳۰ ورزشکارانو د پاراکور جالبې نندارې د المپیک ملي کمېټې او سپورټ عمومي ریاست د رهبرۍ په حضور کې وړاندې کړې.
د یادو نندارو په مراسمو کې د المپیک ملي کمېټې او سپورټ عمومي رئیس الحاج مولوي عبدالودود حقاني، د المپیک ملي کمېټې اجرایه رییس داد محمد پاینده اختري، د اړوند فدارسیون مسولینو او ورزشکارانو ګډون کړی وو.
دې مراسمو ته د المپیک ملي کمېټې او سپورټ عمومي رییس الحاج مولوي عبدالودود حقاني ورزشکارانو ته د ښه راغلاست ترڅنګ، ورزشکاران د کلیو، ولسوالیو، ولایتونو، ملیتونو او هیوادونو ترمنځ د ارتباط او اړیکو پل یاد کړل او د هیواد مهمه برخه یې وګڼله.
د المپیک ملي کمېتې او سپورټ عمومي رئيس په خپلو خبرو کې دوی ته د ممکنو اسانتیاوو برابرولو ډاډ ورکړ او هيله يې څرګنده کړه چې پارکور ورزشکارن به په ملي او نړۍواله کچه ښې لاسته راوړنې ولري.
