پکتيکا؛ په يوسف خېلو ولسوالۍ کې د واليبال سيالۍ د غيبي خېلو لوبډلې په ګټه پاى ته ورسېدې
د پکتیکا ولایت یوسف خېلو ولسوالۍ کې د ميست کلي ځوانانو له خوا د نشه یي توکو په ضد د والیبال سیالۍ د یحی خېلو ولسوالۍ د غیبي خېلو لوبډلې په بریا پای ته ورسېدې.
په دغو سياليو کې د غزني اندړو، يحى خېلو، خيرکوټ، بکخېل او يوسف خېلو ولسوالیو ١٨ لوبډلو ګډون درلود ، چې اته ورځې يې دوام وکړ.
د يادو سياليو پای لوبې ته د یحی خېلو ولسوالۍ د غیبي خېلو او میست لوبډلو لاره پیدا کړه، چې د غیبي خېلو لوبډلې ٢-١ خپل سيال ته ماتې ورکړه.
د دغو سياليو موخه له نشه يي توکو سره مبارزه او ورزش ته د ځوانانو هڅول دي.
په اخیر کې ګټوونکې لوبډلې او غوره لوبغاړو ته جایزې ورکړل شوې.
