خوست؛ د رمضان جام فوټسال سیالیو په دوام دوه سیالۍ ترسره شوې
د خوست ولایت په مرکز کې د اماني ملي لوبغالي ترڅنګ په سرپټي میدان کې د فوټبال فدراسیون له لوري د پیل شوي فوټسال رمضان جام سیالیو په دوام دوه سیالۍ ترسره شوې.
لومړۍ سیالي د کلوب ځوانانو او عزیز الله کلب لوبډلې ترمنځ ترسره شوه، چې په پایله کې کلوب ځوانانو د ۵-۴ ګولونو په توپیر بریا خپله کړه.
دویمه سیالي د اضغر سهار او ذوالفقار لوبډلو ترمنځ ترسره شوه، چې په پایله کې اضغر سهار لوبډلې د ۸-۳ ګولونو په توپیر خپله سیاله لوبډله ماته او بریا یې خپله کړه.
د فوټسال په نوموړي ټورنمنټ کې ۳۰ لوبډلو ګډون کړی او تر راتلونکي کوچني اختر پورې به دوام وکړي.
