ميدان وردګ؛ په بهسود ولسوالۍ کې د وزلوبې سيالۍ ترسره شوې
د ميدان وردګ ولايت په بهسود ولسوالۍ کې د يوې ورځې لپاره د وزلوبې سيالۍ ترسره شوې.
دغه سيالۍ د ياد ولايت د بدني روزنې او ورزش امريت او د بهسود ولسوالۍ د لومړۍ حصې د امنيه قومندانۍ په ګډه همکارۍ ترسره شوې.
يادې سيالۍ د پسرلي موسم د رارسېدو په مناسبت د يادې ولسوالۍ د ۱۶ چاپ اندازانو ترمنځ په دوستانه شکل ترسره شوې، چې په پايله کې د يادو سياليو غوره چاپ انداز احمد رامين په ګوته شو.
د دغو سياليو ليدو ته پر ورزشکارانو سربېره ګڼ شمېر د وزلوبې مينوال راغلي وو.
