هلمند؛ د نادعلي ولسوالۍ د چاه نجير فوټبال سيالۍ د ګرشک ځوانانو په اتلولۍ پای ته ورسېدې
د هلمند ولايت په نادعلي ولسوالۍ کې د چاه نجير په کوربتوب د فوټبال سيالۍ، چې ۸ لوبډلو پکې ګډون کړی و، د ګرشک ځوانانو په اتلولۍ پای ته ورسېدې.
د دغو سياليو پايلوبې ته د ګرشک ځوانانو او ذاهد مارجه لوبډلو لاره موندلې وه، چې په پايله کې ګرشک ځوانانو خپلې سيالې لوبډلې ته د ۳_۰ په توپير ماتې ورکړه او د دغو سياليو اتلولي يې خپله کړه.
د يادو سياليو په پايلوبه کې د نوموړي ولايت د فوټبال فدراسيون مسولينو، مشرانو او د فوټبال ګڼو مينوالو ګډون کړی و.
په پای کې غوره لوبډلو او لوبغاړو ته ستاينليکونه، مډالونه او کپونه ورکړل شول.
