د ننګرهار ولایت د خوږیاڼو ولسوالۍ په کږې بازار کې د ووشو سیالۍ ترسره شوې
یادې تشویقي سیالۍ ورزش ته د ځوانانو هڅولو او لېرې پرتو سیمو ته د ورزش غځولو په موخه پیل شوې وې.
دې سیالیو کې د ووشو ۵۰ ورزشکارانو چې ۲۵ جوړې کېدلې یو د بل پر وړاندې سیالۍ ترسره کړې.
یادې سیالۍ د ننګرهار د بدني روزنې او ورزش ریاست او ووشو فدراسیون په همغږۍ د استاد سیف الرحمن په نوښت د خوږیاڼو ولسوالۍ د کږې بازار کې ترسره شوې.
ځایې اوسیدونکو ددې سیالیو په ترسره کېدلو خوښي څرګنده کړه او ورزش ته یې په لا ډیرې پاملرنې ټینګار وکړ.
