د خوست ولایت په تڼیو ولسوالۍ کې د کبډي سیالۍ پیل شوې
د خوست ولایت ورزشي امریت اړوند د کبډي فدراسیون په چوکاټ کې د همدې رشتې د شپږو ځايي غوره کلپونو ترمنځ سیالۍ پیل شوې.
په همدې موخه جوړو شوو مراسمو کې د خوست ورزشي امر عطاء الله کډوال، د کبډي فدراسیون مشر صفي الله امرخېل، د رزمي ورزشونو مسؤل جمیل الماس، د تڼیو ولسوالۍ امنیتي مسؤلینو، ورزشکارانو او د ورزش ګڼو مینه والو برخه اخیستې وه.
په دې سیالیو کې د نویو او ځوانو لوبغاړو ترڅنګ د ملي او منتخبې لوبډلې پخواني لوبغاړي هم ګډون لري، چې نوي لوبغاړي به د دوی له تخنیکونو او مهارتونو سره پوره بلدتیا پیدا کړي.
د یادولو وړده، چې دا سیالۍ به یوه اوونۍ په دوام وکړي او په پایله کې به یې ۲۴ پیاوړي لوبغاړي د ځوانانو او لویانو منتخبو لوبډلوت ه د دې ولسوالۍ په کچه غوره کړل شي.
