په هرات کې د هېواد په کچه د رزمي ورزشونو د فول کانټاک کیک بوکسنګ او کیک جیتسو برخو سیالۍ وشوې
د هرات ولایت په مرکز هرات ښار کې د هېواد په کچه د رزمي ورزشونو د فول کنټاک کیک بوکسنګ او کیک جیتسو برخو سیالۍ وشوې.
په دې سیالیو کې د رزمي ورزشونو د یاد سبکونو د رئیسانو ترڅنګ د هرات ولایت ورزش مسؤولینو او د ورزش ګڼ شمېر مینوالو برخه اخیستې وه.
د هرات د ورزش د مسؤولینو په خبره ددې سیالیو موخه یې د هېواد په کچه د رزمي ورزشونو د ورزشکارانو د وړتیاوو او ظرفیتونو لوړول دي.
دا څووم ځل دى چې هرات په هېواد كې د بېلابېلو ملي او نړيوالو سياليو کوربه دى او دا د سپورټ په برخه كې د هرات د لوړ ظرفيت ښودنه كوي.
بايد وويل شي چې په دې سياليو کې د هېواد له بېلابېلو ولايتونو څخه ١٢٠ ورزشکارانو برخه اخيستې وه او په يوه ورځ کې یې په فردي توګه سیالۍ وکړې.
