د المپيک ملي کمېټې او سپورټ عمومي رياست مسوولینو له لوري د کيک بوکسينګ ورزشکاران وستايل شول
د المپيک ملي کمېټې او سپورټ عمومي رياست مسوولينو له لوري د کيک بوکسينګ ملي فدراسیون د يوولسم پړاو سياليو غوره ورزشکاران وستایل شول.
پر همدې مناسبت په جوړو شویو مراسمو کې د المپيک ملي کمېټې اجرائیه رئیس داد محمد پاينده اختري، د فدراسيونونو امر محمد اعظم کوهي، د سياليو دايرولو امر عزيز الرحمن ملنګ، د کيک بوکسينګ فدراسیون مسوولينو او ورزشکارانو شتون درلود.
د کابل ښار د کيک بوکسينګ يوولسم پړاو سيالۍ يوه اوونۍ وړاندې د بدني روزنې او ورزش عمومي ریاست د کيک بوکسينګ په تمريناتي ځاې کې د ځوانانو او لويانو سني کټګوريو د ١٥٠ ورزشکارانو په ګډون ترسره شوې.
