په پروان ولايت کې فوټبال "ب" ګروپ سيالۍ د الجهاد تمتمدرې لوبډلې په بریا پاى ته ورسېدې
په پروان ولايت کې د فوټبال "ب" ګروپ سيالۍ چې دوه مياشتنې وړاندې د مرکز او ولسواليو د ١٦لوبډلو په ګډون په څلور ګروپونو کې پيل شوې وې، د "الجهاد تمتمدرې" لوبډلې په لومړي مقام ګټلو سره پاى ته ورسېدې.
د دغو سياليو فاينل ته د شينوارو ولسوالۍ او الجهاد تمتمدره لوبډلو لار وموندله، چې د الجهاد تمتمدرې لوبډلې د شينوارو لوبډلې ته ماتې ورکړه او د دې سياليو لومړى مقام يې تر لاسه کړ.
په پاى کې مقام ګټونکې لوبډلې ته جايزې، کپ، ورزشي جامې او توپ هم ورکړل شول.
