پکتیا؛ احمد خیلو ولسوالۍ کې د امن په نوم د پنځو ولایتونو ترمنځ د والیبال سیالۍ پیل شوې
د پکتیا ولایت په احمد خیلو ولسوالیو کې د پکتیا د سپورټ ریاست او والیبال فدراسیون په ګډو هڅو د ۵ ولایتونو د لوبډلو ترمنځ د والیبال ټورنمنټ پیل شو.
په دې سیالیو کې د پکتیا د ولسوالیو د لوبډلو په ګډون له خوست، لوګر، وردګ او غزني ولایتونو څخه ۳۵ لوبډلو ګډون کړی او د شپږو ورځو لپاره به دوام وکړي.
د پکتیا د سپورټ ریاست مشر د ټورنمنټ د پیل په مراسمو کې توصیه وکړه، چې د اسلامي شریعت ټول اصول باید په ځان عملي کړو.
همدارنګه نوموړي ورزش د یووالي سمبول وباله او ټینګار یې وکړ، چې هيڅکله باید د قومي، سمتي او ژبنیو توپیرونو ښکار نه شي.
د ټورنمنټ موخه په لیرې پرتو سیمو کې ورزش ته وده او پراختیا ورکول دي.
