بلخ: دهدادي ولسوالۍ کې د يووالي په نوم د واليبال سيالۍ پيل شوې
د بلخ ولايت فوټبال فدراسیون د بدني روزنې او ورزش رياست په مرسته د مرکز او يو شمېر ولسواليو د ٢٠ ورزشکارانو په ګډون د واليبال سيالۍ پيل کړلې.
د بلخ بدني روزنې او ورزش رياست مطبوعاتي مسوول سهراب عثماني په خبره؛ دغه سيالۍ د دهدادي ولسوالۍ په ورزشي لوبغالې کې د چنګاښ په ٣٠ نېټه د بلخ ولايت ولسوالیو ورزشکارانو ترمنځ يووالى او ورورولي په موخه پيل شوې چې ٢٥ ورځې به دوام وکړي.
د دې سياليو لومړۍ سيالۍ د عطايي او پشت باغ لوبډلو ترمنځ وشوه چې د دې دواړو لوبډلو لوبه د ٣-٢ پايلې سره د عطايي لوبډلې بريا پاى ته ورسېده.
