د ١٩کلنو کم عمره فوټبال ملي لوبډلې په تدارکاتي لوبه کې بريا خپله کړه
د ١٩ کلنو فوټبال ملي لوبډلې تېره ورځ په تدارکاتي لوبه کې د استقلال لوبډلې ته ١-٠ ماتي ورکړه. دغه لوبه د فوټبال فدراسيون په لوبغالي کې ترسره شوه.
ټاکل شوې د هېواد ١٩کلنو ملي لوبډله د ٢٠٢٢ کال اګست میاشتې له ٣ څخه تر ١٣نېټې پوري د (مرکزي اسيا CAFA) اتلولي سيالو کې د ګډون په موخه تاجکستان ته سفر وکړي.
په دې سياليو کې د کافا غړيتوب لرونکي هېوادونه افغانستان، ايران، تاجکستان، قرغزستان، ازبکستان او ترکمنستان ګډون وکړي.
دغه لوبې به د دوشنبې ښار مرکزي لوبغالي کې ترسره شي.
د يادولو ده چې په دې سياليو کې به د افغانستان ٢٣لوبغاړي ګډون وکړي د ١٩کلنو ملي لوبډلې ترينر احمدضيا عظيمي په خبره؛ افغان لوبډلې د اسيا اتلولي سياليو لپاره چې د تاجکستان هېواد دوشنبې ښار کې ترسره کيږي پوره چمتووالى نيولى دى.
