هلمند کې د فوټبال سیالۍ پیل شوې
د فوټبال سيالۍ په څلورو ګروپونو کې د ۲۴ لوبډلو ترمنځ پرون د هلمند ولايت د ورزش امر، د فوټبال فدراسيون د مسوولينو او د دغه ولايت د فوټبال مينه والو په شتون کې پيل شوې.
د دې سياليو په لومړۍ ورځ د استقلال او نوى ازادي لوبډلو لوبه وکړه، چې په لومړۍ لوبه کې د 1: 0 په توپير د نوي ازادي لوبډلې په ګټه پاى ته ورسېده او په دويمه لوبه کې د لښکرګاه ښار او د بورومند عالي لېسې ټیمونو لوبه وکړه او لوبه یې 1-0 د لښکرګاه ښار عالي لېسې ټیم په ګټه پای ته ورسیده.
د یادولو وړ ده چې دا لوبې به څو ورځې دوام وکړي.
