زابل; د اریانا کلب ورزشکارانو ته ارتقایي کمربندونه وتړل شول
دغه مراسم د زابل ولایت په شاجوی ولسوالۍ کې د کراټې فدراسیون له خوا د آریانا کلب په انګړ کې جوړ شوي وو په کې د کراټې فدراسیون مشر استاد نادرخان زابلي، د زابل د ورزشکارانو په استازيتوب استاد احمدالله توخي، د زابل د ورزشکارانو استازي احمد جان منصور او ګڼ شمېر ورزشکارانو او د ورزش مینه والو برخه اخیستې وه.
آریانا کلپ چې د زابل په شاجوی بازار کې یو له مشهورو کلبونو څخه دی، خپل ۱۶ ورزشکارانو ته یې ارتقایې کمربندونه وتړل.
د ورزش مسوولینو په وار سره ورزشکارانو ته د وینا پر مهال له دوی وغوښتل چې په زابل ولایت کې د ورزش د پرمختګ لپاره لا زیاتې هلې ځلې وکړي او ژمنه یې وکړه چې ورزشکارانو ته لا نور امکانات برابر کړي.
په پای کې د اریانا کلپ مشر ورزشکارانو په استازیتوب استاد نادرخان د ټولو میلمنو له ګډون څخه مننه وکړه او ویې ویل چې د نن ورځې بریا زموږ د ورزشکارانو د هڅونې او همکارۍ له امله ده.
