بغلان کې د کونګفو غوراوي سیالۍ پای ته ورسیدې
د کونګفو فدراسیون د بغلان د ورزش امریت په همکارۍ د بغلان په ورزشي جمنازیوم کې د ځوانانو او تنکیو ځوانانو په کټګورۍ کې د ۳۰ ورزشکارانو ترمنځ د کونګفو انتخابي سیالۍ پای ته ورسېدې.
هغه مراسم چې په همدې موخه جوړ شوي وو، په کې د بغلان ولايت د ورزشي امر قاري امير محمد اميري، د بېلابېلو ورزشي فدراسيونونو استازو او د کونګفو مينه والو برخه اخيستې وه.
د دغو سیالیو د پیلولو موخه د بغلان ولایت د کونګفو غوره لوبډلې لپاره د لسو غوره لوبغاړو ټاکل او په هغه ولایت کې د ورزش وده ده.
د لوبو په پای کې د کونګفو فدراسيون له خوا غوره ورزشکارانو ته مډالونه ورکړل شول.
