بغلان کې د ښوونځيو د ورزشکارانو ترمنځ د فوټسال سيالۍ پيل شوې
د فوټسال سيالۍ د بغلان د پوهنې رياست د ورزش او د بېلابېلو څانګو د مسوولينو په شتون کې د پلخمري په ورزشي جمنازيوم کې د لسو ښوونځيو په ګډون ترسره شوې.
د دغو سیالیو د پیلولو موخه د دغه ولایت منتخبې لوبډلې ته د غوره لوبغاړو ټاکل او د ځوانانو ترمنځ د فوټسال وده ده.
په دغو سیالیو کې لومړۍ لوبه د شمرق پارک عالي لېسې د فوټسال لوبډلې او د دعوت خصوصي عالي لېسې لوبډلې ترمنځ ترسره شوه، چې په پایله کې د دعوت خصوصي عالي لېسې سیالې لوبډلې ته ۴-۰ ماته ورکړه.
د يادونې وړ ده، چې دغه سيالۍ به تر يوې اوونۍ دوام وکړي.
