بلخ؛ عامې روغتیا فوټسال لوبډلې د رمضاني جام اتلولي وګټله
د رمضان جام فوټسال سيالۍ چې لهد روژې له پنځلسمې په دې خوا د بلخ ولايت د فوټسال ټيمونو ترمنځ روانې وې، د عامې روغتيا د فوټسال لوبډلې په اتلولۍ پای ته ورسېدې یاده دې وې چې بدري ځواک دویم او پښتون کوټ او صنایي ټیمونو دریم او څلورم مقام ته ترلاسه کړ.
د سیالیو په پای مراسمو کې د بلخ ولایت د بدني روزنې او ورزش رئیس مولوي نور عالم بدر، ډاکټر نجیب الله توانا، د بلخ د عامې روغتیا ریاست مرستیال شیخ میر صدام ګډون درلود.
د سیالیو په پای کې د بدني روزنې او ورزش ریاست له لوري میلمنو، روزونکو، د تنظیمي کمیټې غړو، غوره ګول وهونکوو، غوره لوبغاړي او ګټونکې لوبډلې ته ستاینلیکونه، ورزشي جامې ورکړل شوې.
