ارزګان ولایت کې د رمضان جام فوتسال سیالۍ پای ته ورسیدې.
د ارزګان ولایت کې د رمضان جام اتلولي د میوند فوټبال لوبډلي په بریا پایته ورسیدل او یاد ټورنمینټ د روژي مبارکې په دوهمه شپه په ارزګان ولایت کې د ۱۳ ازادو لوبډلو ترمنځ په لاره اچول سوی وو ۔
په ارزګان ولایت کې د رمضان جام فوتسال سیالۍ چې د روژې په درېیمه نېټه پیل شو ؤ، پای ته ورسېد.
د یاد ټورنمنټ له دیارلسو ګډونوالو لوبډلو څخه د میوند او الفت لوبډلې پای لوبې ته ووتلې چې په پای کې میوند لوبډلې وکولی شول الفت لوبډلې ته ۰ـ۲ ماتې ورکړي او لومړی مقام خپل کړي.
له میوند لوبډلې وروسته الفت لوبډلې دوهم او اتفاق لوبډلې درېیم مقام ترلاسه کړ. نجی الله ویسال د ټورنمینټ غوره لوبغاړی، محمد نبي د ټورنمینټ غوره ګول وهونکی، مصطفی همکار د ټورنمینټ غوره ګول ساتونکی، محمد عمر د ټورنمینټ غوره ګول ساتونکی وټاکل شول.
