د اسيايي کراټې سيالۍ يو ځل بيا وځنډول شوې

د 2022 اسیایي کراټې سیالیو وخت یو ځل بیا بدل شو.

د اسيايي کراټې فدراسيون د معلوماتو له مخې، ټاکل شوې وه چې اسيايي سيالۍ د چنګاښ له ٢٩مې نېټې څخه د زمري تر دويمې نېټې پورې ترسره شي، خو په ٢٠۲١ کال کې د پخوانيو سياليو د نږدېوالي او د ازبکستان د غوښتنې له امله وځنډول شوې.

د 2022 اسیایي کراټې اتلولي به د 2022 کال د جولای په 27-31 (1401 د زمري له 5 څخه تر 9 پورې) ترسره شي.

دا دوهم ځل دی چې د اسيايي کراټې سياليو نېټه بدلېږي لومړي ځل ټاکل شوې وه چې دا سیالۍ د 1401 کال د وری د میاشتې له 22 څخه تر ۲۵ مې نیټې پورې ترسره شي، خو سلواغې میاشت کې اعلان وشو چې د سرطان د میاشتې د 29 نیټې د اسد تر دوهمې نیټې پورې ترسره شي. اوس اعلان شوی چې د اسيايي کراټې سيالۍ به د ۱۴۰۱ کال د زمري د ۵مې تر ۹مې نیټې پورې به ترسره شي.