میدان وردګو ولایت کې د والیبال سیالۍ پای ته ورسېدې
د میدان وردګو ولایت د ورزشي امریت او الیبال فدراسیون په هڅو د یاد ولایت سیداباد ولسوالۍ کې د والیبال لوبې پیل شوې وې، چې تېره ورځ پای ته ورسېدلې.
په دغو سیالیو کې د سیداباد، نرخ، چک، جغتو او دایمیرداد ولسوالیو لوبغاړو برخه اخیستې وه، چې د حامد حماد لوبډلې په بریا پای ته ورسېدلې.
د یادو سیالیو دویم مقام سیداباد لوبډلې او درېیم مقام د عمر مایار لوبډلې په برخه شو.
د یادو سیالیو د پای مراسمو کې د یاد ولایت ورزشي مسوولینو او نور چارواکو ګډون کړی و او ګټونکې لوبډلې او غوره لوبغاړي یې په ډالیو ونازول.
ورشکارانو د دا ډول لوبو په کېدلو خوښي وښوده او غوښتنه یې وکړه چې دا لړۍ جاري وساتل شي.
