د بامیان مرکز کې د ۶۰ ورزشکارانو ترمنځ د کيک بوکسينګ سيالۍ وشوې
د باميان ولايت د بدني روزنې او ورزش امريت اړوند د کيک بوکسينګ فدراسيون د استازولۍ له لوري د ياد ولايت په مرکز ښار کې د ۶۰ ورزشکارانو ترمنځ د کيک بوکسينګ سيالۍ وشوې.
په دغو سياليو کې د کابل، غزني او باميان ولايتونو ورزشکارانو ترمنځ په بېلابېلو کټګوريو کې ترسره شوې، چې په پايله کې بامیان لومړی، کابل دويم او غزني ولايت بيا درېيم مقام خپل کړ.
د يادو سياليو موخه د کيک بوکسينګ ورزش ته وده ورکول او د ولايتونو ورزشکارانو ترمنځ اړيکې پیدا کول و، چې يوه ورځ يې دوام وکړ.
