غزني؛ اندړ ولسوالۍ کې د ۳۲ لوبډلو ترمنځ د نېز وهنې سيالۍ پای ته ورسېدې
د غزني ولايت د بدني روزنې او ورزش امريت اړوند د وزلوبې، نېزه وهنې او دوديزو لوبو فدراسيون د استازولۍ له لوري د ياد ولايت په اندړ ولسوالۍ کې د ۳۲ لوبډلو ( ۱۲۸ ) لوبغاړو ترمنځ په درېيو برخو سنګل، سنګل لين او سيکشن کې د نېز وهنې سيالۍ پای ته ورسېدې.
په دغو سياليو کې د پکتيکا، پکتيا، خوست، ميدان وردګ، زابل او د غزني لوبډلو ګډون کړی وو، چې په پايله کې په سنګل برخه کې غزني، سنګل لين برخه کې خوست او سيکشن برخه کې بيا پکتيکا لومړي مقامونه خپل کړل.
د يادو سياليو موخه د ولايتونو ترمنځ همغږي رامنځته کول، د ورزشکارانو ترمنځ يووالی رامنځته کول او د نېزه وهنې ورزش ته وده ورکول و، چې درې ورځې يې دوام وکړ.
