د کابل او ننګرهار پهلوانانو ترمنځ سيالۍ وشوې
د ننګرهار ولايت د بدني روزنې او المپيک رياست د پهلوانۍ فدراسيون له لوري د کابل او ننګرهار ولايت د شاوخوا ٥٠٠ پهلوانانو ترمنځ د سولې او يووالي تر عنوان لاندي د پهلوانۍ سيالي وشوه.
ياده سيالي چې د ننګرهار د پهلوانۍ فدراسيون په کوربه توب د چهارشنبې په ورځ د جلال اباد ښار فوټبال سټېډيوم کې پيل شوي وه، پکي د مخطلفو ورزشي فدراسيونونو مسٶلينو، ورزشکارانو، او د ورزش مينه والو برخه اخستې وه چې پرون د جمعي په مبارکه ورځ پاى ته ورسېده.
د ننګرهار ولايت د بدني روزنې او المپيك رٸيس نوراحمد حبيبي په ياده سيالۍ خوښي وښوده او له ورزشکارانو څخه یې وغوښتل ترڅو د ورزش له لارې د سولې او ملي يووالي پيغام ولسونو ته ورسوي.
