غزني؛ قره باغ ولسوالۍ کې د ۱۵ لوبډلو ترمنځ د ټېپ بال کرېکټ سیالۍ پای ته ورسېدې
د غزني ولایت د بدني روزنې او ورزش امریت اړوند د ټېپ بال کرېکټ ملي فدراسیون د استازولۍ له لوري د یاد ولایت په قره باغ ولسوالۍ کې د ۱۵ لوبډلو ترمنځ د ټېپ بال کرېکټ سیالۍ پای ته ورسېدې.
د دغو سیالیو په پایلوبه کې قره باغ زلمیانو لوبډلې په ټاکلو ۱۲ اورونو کې د ۸ ویکټو په زیان سره د ۱۶۷ منډو هدف وټاکه په مقابل کې قره باغ اتلانو لوبډلې د ټولو لوبغاړو په سوځېدو سره ۱۵۱ منډې جوړې کړې او لوبه د قره باغ زلمیانو لوبډلې د ۱۶ منډو په توپیر وګټله.
د یادو سیالیو موخه د ټېپ بال کرېکټ ته وده ورکول او له نشه یي توکو څخه د ځوانانو لېري والی و، چې یوه میاشت یې دوام وکړ.
