د هرات مرکز کې د ۱۰۴ ورزشکارانو ترمنځ د غېږنیونې سیمه ییزې سیالۍ پای ته ورسېدې
د هرات ولایت د بدني روزنې او ورزش ریاست اړوند د کورش ملي فدراسیون د استازولۍ له لوري د یاد ولایت په مرکز کې د لویو اقتصادي پروژو د ملاتړ په موخه د هرات او کندهار ولایتونو د ۱۰۴ ورزشکارانو ترمنځ د غېږنیونې سیمه ییزې سیالۍ پای ته ورسېدې.
د دغو سیالیو په پایله کې د هرات ورزشکارانو په ۱۴ بریاوو سره لومړی او کندرهار ولایت ورزشکارانو په ۸ بریاوو سره بیا دویم مقام خپل کړ.
د یادو سیالیو موخه د غېږنیونې سیمه ییزو لوبو ته وده ورکول او د ولایتونو ترمنځ اړیکي رامنځته کول و، چې درې ورځې یې دوام وکړ.
