هلمند؛ مرکز لښکرګاه ښار کې د شپږ زونونو ترمنځ د فوټبال سیالۍ پیل شوې
د هلمند ولایت د بدني روزمې او ورزش آمریت له لوري د یاد ولایت مرکز لښکرګاه ښار کې د شپږو زونونو ترمنځ د فوټبال سیالۍ پیل شوې، چې لس ورځې به دوام وکړي.
د یادو سیالیو لومړۍ لوبه کې هرات عمر ځواک لوبډلې د ٣ پر یو ګول په توپیر خپلې سیالې کندز پیروزي لوبډلې ته ماتې ورکړه او د سیالیو لومړۍ بریا یې خپله کړه.
ددې سیالیو اول او دوهم مقام ګټونکي لوبډلې به د افغانستان د قهرمانانو لیګ ته پورته سي او دا سیالۍ به ۱۰ ورځي دوام وکړي.
