بغلان کې د درېيو ولايتونو پهلوانانو ترمنځ د پهلوانۍ سيمه ييزې سيالۍ وشوې
د بغلان ولايت د بدني روزنې او ورزش امريت اړوند د پهلواني ملي فدراسيون د استازولۍ له لوري د ياد ولايت په کوربتوب په مرکزي بغلان ولسوالۍ کې د کندز، سمنګان او بغلان ولايتونو د ۵۰ پهلوانانو ترمنځ د پهلوانۍ سيمه ييزې سيالۍ وشوې، چې يوه ورځ يې دوام وکړ.
د دغو سياليو په پایله کې د پنځو جوړو لوبې مساوي او ۲۰ ورزشکارانو خپلو سيالانو ته په ماتې ورکولو سره برياوې او د اتلولۍ مقامونه خپل کړل.
د يادو سياليو موخه د پهلواني ورزش ته وده ورکول و، د سياليو په پای کې غوره پهلوانانو ته چمتو شوې ډالۍ ورکړل شوې.
