غزني؛ اندړ ولسوالۍ کې د ۳۲ لوبډلو ترمنځ د فوټبال سيالۍ پيل شوې
د غزني ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت د اندړ ولسوالۍ په بندې سردې لوبغالي کې د ۳۲ لوبډلو ترمنځ د فوټبال سيالۍ پيل شوې.
د دغو سياليو په لومړۍ لوبه کې فوټبال کشول لوبډلې خپلې سیالې اتلان بريم لوبډلې ته د ۳/۲ ګولونو په توپير ماتې ورکړه او لومړۍ بريا يې خپله کړه.
د يادو سياليو موخه د فوټبال لوبو ته وده ورکول، ځوانانو ترمنځ يووالی رامنځته کول او له نشه يي توکو څخه د ځوانانو لېري والی دی، چې يوه نيمه مياشت به دوام وکړي.
