خوست کې د اتو لوبډلو ترمنځ د ټېپ بال کرېکټ سیالۍ پای ته ورسېدې
د خوست ولایت د بدني روزنې او ورزش آمریت له لوري او د ګلاب حیدرزوی سوداګریز شرکت په مالي ملاتړ د یاد ولایت مرکز اړوند شمل لټکو سیمه کې د اتو لوبډلو ترمنځ د ټېپ بال کرېکټ سیالۍ د نعیم جان لوبډلې په اتلولي پای ته ورسېدې.
د یادو سیالیو پایلوبه کې نعیم جان لوبډلې له خپل ۱۷۸ منډو هدف څخه دفاع وکړه او د ۳۷ منډو په توپیر یې خپلې سیالې ځلاند لوبډلې ته ماتې ورکړه او اتلولي یې وګټله.
دا سیالۍ د ځوانانو ترمنځ د یووالي په موخه ترسره شوې، چې یوه نیمه میاشت یې دوام وکړ.
