جوزجان؛ مرکز شبرغان ښار کې د ۱۲۰ ورزشکارانو ترمنځ د کورش سیمه ییزې سيالۍ وشوې
د جوزجان ولايت د بدني روزنې او ورزش امريت اړوند د کورش ملي فدراسيون د استازولۍ له لوري د ياد ولايت په مرکز شبرغان ښار کې کې د ۱۲۰ ورزشکارانو ترمنځ د کورش سیمه ييزې سيالۍ وشوې.
د دغو سياليو په پایله کې د ۵ جوړو لوبې مساوي او ۵۵ ورزشکارانو خپلو سيالانو ته په ماتې ورکولو سره برياوې خپلې کړې او د ډاليو ګټونکي شول.
د يادو سياليو موخه د کورش ورزش ته وده ورکول او دودول و، چې يوه ورځ يې دوام وکړ.
