افغان تکواندوکار آزاد بېګ نوروزي اسیایی سیالیو کې عربستاني سیال ته ماته ومنله
د تکواندو افغان ورزشکار آزاد بېګ نوروزي اسیایي سیالیو ته د لارموندنې سیالیو کې عربستاني سیال ته په منفي ۵۸ کیلو ګرامه وزن کې د ۲ -۰ میدانونو په توپیر ماته ومنله.
دغو سیالیو کې د افغانستان په استازولۍ شپږ ورزشکاران او دوه روزونکي ګډون لري.
د ویلو ده چې یادې سیالۍ د ۳۴ هېوادونو په ګډون د منګولیا هېواد په کوربهتوب په اولان باتور ښار کې نن ( د مې ۲۱مه) پیل شوي او د همدې میاشتې تر ۲۵مې نېټې به دوام وکړي.
