لوگر؛ مرکز پل عالم کې د لوګر پوهنتون څلورو لوبډلو ترمنځ د واليبال سيالۍ پای ته ورسېدې
د لوګر ولایت د بدني روزنې او ورزش امريت په مرسته او د لوګر پوهنتون ورزشي مديريت له لوري د ياد ولايت په مرکز پل عالم ښار کې د څلورو لوبډلو ترمنځ د واليبال سيالۍ پای ته ورسېدې.
د دغو سياليو په پايلوبه کې جيولوژي او معدن پوهنځي لوبډلې خپلې سیالې زراعت پوهنځي لوبډلې ته د ۲/۱ ميدانونو په توپير ماتې ورکړه او اتلولي يې خپله کړه.
د يادو سياليو موخه د محصلینو ترمنځ د اړيکو زياتوالی او واليبال لوبو ته وده ورکول و، چې لس ورځې يې دوام وکړ.
