پکتيکا کې د ۵۰ ورزشکارانو ترمنځ د لاس چپه کولو سيالۍ وشوې
د پکتيکا ولايت د بدني روزنې او ورزش آمريت له لوري د ياد ولايت په مرکز ولس تمريناتي کمپ کې د ۵۰ ورزشکارانو ترمنځ ملي او دوديزو لوبو ته د ودې ورکولو په موخه د لاسه چپه کولو سيالۍ وشوې.
دا سیـالۍ په بېلابېلو وزني کټگوریو کې ترسره شوې، چې په پايله کې ۸۰ کيلو گرام وزن کې جان شېر، ۹۰ کليو گرام وزن کې استقلال، ۷۰ کلیو گرام وزن کې سيد الرحمن، ۶۰ کليو گرام وزن کې ضياء الرحمن او ۵۰ کليو گرام وزن کې بيا رحمت الله لومړي مقامونه خپل کـړل.
