نورستان؛ مرکز پارون کې د شپږو لوبډلو ترمنځ د غشي ویشتلو سيالۍ وشوې
د نورستان ولایت د بدني روزنې او ورزش امريت اړوند د غشي ویشتلو ملي فدراسیون د استازولۍ له لوري د ياد ولايت په مرکز پارون کې د شپږو لوبډلو ترمنځ د غشي ویشتلو سيالۍ وشوې، چې يوه ورځ يې دوام وکړ.
د دغو سياليو په پايلوبه کې مرکز اتلانو لوبډلې خپلې سیالې شورپشکي لوبډلې ته د زياتو امتيازونو په توپير ماتې ورکړه او اتلولي يې خپله کړه.
