ننگرهار کې د ۸ لوبډلو ترمنځ د فوټبال الف ليگ سيالۍ پيل شوې
د ننگرهار ولايت د بدني روزنې او ورزش ریاست په همکارۍ، د فوټبال فدراسيون د استازولۍ له لوري د جلال آباد ښار په سراج الامارت بڼ کې د ۸ لوبډلو ترمنځ د فوټبال الف ليگ سيالۍ پيل شوې.
د يادو په پيليزه لوبه کې پامير يارانو لوبډلې خپلې سيالې ساپي اتلانو لوبډلې ته د ۲-۱ گول په توپير ماتې ورکړه او بريا يې خپله کړه.
دا سیالۍ د ياد ولايت ليگ ته د دوو غوره لوبډلو ټاکلو په موخه ترسره کېږي، چې شاوخوا دوې اوونۍ به دوام وکړي.
