لغمان؛ الينگار ولسوالۍ کې د ۴۲ لوبډلو ترمنځ د ټېپ بال کرېکټ سیالۍ پای ته ورسېدې
د لغمان ولايت د بدني روزنې او ورزش آمريت په همغږۍ، د ټېپ بال کرېکټ فدراسیون د استازولۍ له لوري د الينگار ولسوالۍ اړوند برکوټ لوبغالي کې د ۴۲ لوبډلو ترمنځ د ټېپ بال کرېکټ سیالۍ د الکوزي لوبډلې په اتلولۍ پای ته ورسېدې.
د يادو سياليو پايلوبه د الگوزي او همت خصوصي ښوونځي لوبډلو ترمنځ وشوه، د لوبې پچه الگوزي لوبډلې وگټله او لومړی يې د توپ وهنې پرېکړه وکړه، چې په ټاکلو ۱۰ اورونو کې يې خپلې سيالې لوبډلې ته د ۱۸۶ منډو هدف کېښود، په ځواب کې همت خصوصي ښوونځي لوبډلې د ټولو اورونو په لوبولو سره ۱۲۱ منډې وکړې او لوبه يې د ۶۵ منډو په توپير وبايلله.
دا سیالۍ د سالمې تفريح برابرولو او ورزش ته د ځوانانو هڅولو په موخه وشوې، چې شاوخوا ۴۰ ورځې يې دوام وکړ.
