کندز؛ چهاردرې ولسوالۍ کې د ۶ لوبډلو ترمنځ د واليبال سيالۍ وشوې
د کندز ولايت د بدني روزنې او ورزش ریاست په همغږۍ، د چهاردرې ولسوالۍ ورزشي کمېټې له لوري د دې ولسوالۍ په ځواک لوبغالي کې د ۶ لوبډلو ترمنځ د واليبال سيالۍ وشوې.
د يادو سياليو په پايلوبه کې ځواک لوبډلې خپلې سيالې حکيم ځدراڼ لوبډلې ته د ۲۱-۱۵ امتيازونو په توپير ماتې ورکړه او اتلولي يې وگټله.
دا سیالۍ واليبال ورزش ته د ودې ورکولو او د ځوانانو هڅونې په موخه وشوې، چې يوه ورځ يې دوام وکړ.
