جوزجان؛ اقچه ولسوالۍ کې د ۳۰ کورشکارانو ترمنځ د کورش سيمه ييزې سيالۍ وشوې
د جوزجان ولایت د بدني روزنې او ورزش امريت اړوند د کورش ملي فدراسيون د استازولۍ له لوري د ياد ولايت د اقچه ولسوالۍ په قم اريغ کلي کې د ۳۰ کورشکارانو ترمنځ د کورش سيمه ييزې سيالۍ وشوې.
د دغو سياليو په پایله کې د ۲ جوړو لوبې مساوي او ۱۳ کورشکارانو خپلو سيالانو ته په ماتې ورکولو سره برياوې خپلې کړې او د ډاليو ګټونکي شول.
د يادو سياليو موخه د کورش ورزش ته وده ورکول او خلکو ته سالمه تفرېح برابرول و، چې يوه ورځ يې دوام وکړ.
