هرات؛ په پل پشتون سيمه کې د اس ځغلونې اتم پړاو ټاکنيزو ملي سياليو ورزشکارانو ته د اس ځغلونې سمينار ورکړل شو
د المپيک بدني روزنې او ورزش عمومي رياست اړوند د اس ځغلونې ملي فدراسيون له لوري په هرات ولايت کې د اس ځغلونې اتم پړاو ملي ټاکنيزو سياليو ورزشکارانو ته د استاد قدرت الله راسخ او داکتر محمد عتیق احمدزي له لوري د اس ځغلونې د قانون او مقررې اړوند سمينار ورکړل شو.
دغه سيالۍ چې د هرات ولايت په کوربتوب ترسره کېږي په دوو سبکونو (يورغه او سرعتي) کې چې يورغه به په ۸۰۰ او ۱۲۰۰ متره او سرعتي به په ۸۰۰ او ۱۲۰۰ متره واټن کې، چې نن ورځ به په رسمي توګه پيل شي او يوه هفته به دوام وکړي.
تمه ده چې د دغو سياليو په پايله کې به له ۱۶ ولايتونو ۷۱ اس ځغلونکو او اسونو څخه په دواړو سبکونو کې ۱۶ اسونه او ۱۶ اس ځغلونکي د هيواد په کچه د ملي لوبډلې لپاره وټاکل شي.
