بادغیس؛ قادس ولسوالۍ کې د وحدت دوستۍ جام په نوم د فوټبال سيالۍ پای ته ورسېدې
د بادغیس ولایت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په قادس ولسوالۍ کې د وحدت دوستۍ جام په نوم د ۱۲ لوبډلو ترمنځ د فوټبال سيالۍ د اریانا لنګر لوبډلې په اتلولۍ پای ته ورسېدې.
د دغو سياليو په پايلوبه کې اریانا لنګر لوبډلې خپلې سیالې خراسان نيزاب لوبډلې ته د ۳/۱ ګولونو په توپير ماتې ورکړه او اتلولي يې خپله کړه.
د يادو سياليو موخه د بادغیس ځوانانو ترمنځ يووالی رامنځته کول او د فوټبال لوبو ته وده ورکول و، د سياليو په پای کې غوره لوبډلې او لوبغاړو ته چمتو شوې ډالۍ ورکړل شوې.
