میدان وردګ؛ سید آباد ولسوالۍ کې د ٢٠ لوبډلو ترمنځ د ټېپ بال کرېکټ سیالۍ پای ته ورسېدې
د میدان وردګ ولایت د بدني روزنې او ورزش آمریت له لوري د یاد ولایت په سید آباد ولسوالۍ کې د ٢٠ لوبډلو ترمنځ د ټېپ بال کرېکټ سیالۍ د تنګي درې ځوانانو لوبډلې په اتلولی پای ته ورسېدې.
د یادو سیالیو پایلوبه کې تنګي درې ځوانانو لوبډلې له خپل ٩١ منډو هدف څخه دفاع وکړه او د ١١ منډو په توپیر خپلې سیالې کوچی سټارز لوبډلې ته ماتې ورکړه او اتلولي یې وګټله.
دا سیالۍ د ځوانانو ترمنځ د یووالي ترسره شوې، چې یوه اوونۍ یې دوام وکړ.
