پکتیا؛ زرمت ولسوالۍ کې د نيزه وهنې اختریزې سیالۍ وشوې
د پکتیا ولایت د بدني روزنې او ورزش ریاست په همغږۍ، د وزلوبې، نيزه وهنې او سيمه ييزو لوبو فدراسیون د استازولي له لوري د یاد ولایت په زرمت ولسوالۍ کې د ۳۳ نيزه وهوونکو ترمنځ د نيزه وهنې اختريزې سیالۍ وشوې.
دغه سیالۍ په لاین سینگل او سیکشن برخو کې ترسره شوې، چې په پایله کې عبدالقدوس د ۳۶ امتیازونو په خپلولو سره لومړی، نصرت الله د ۳۰ امتیازونو په ترلاسه کولو سره دویم او خان محمد بيا د ۲۸ امتیازونو سره درېیم مقام خپل کړ.
د یادو سیالیو موخه نيزه وهنې دودیزې لوبې ته وده ورکول او د يادې ولسوالۍ وگړو لپاره د سالمې تفريح برابرول وو، چې دوې ورځې يې دوام وکړ.
