پروان؛ سرخ پارسا ولسوالۍ کې د ۱۶ لوبډلو ترمنځ د واليبال سيالۍ پای ته ورسېدې
د پروان ولایت د بدني روزنې او ورزش امريت اړوند د واليبال ملي فدراسيون د استازولۍ له لوري د ياد ولايت په سرخ پارسا ولسوالۍ کې د کوچني اختر جام په نوم د ۱۶ لوبډلو ترمنځ د واليبال سيالۍ، چې يوه اوونۍ مخکې پیل شوې وې د ميته لوبډلې په اتلولۍ پای ته ورسېدې.
د دغو سياليو په پايلوبه کې ميته لوبډلې خپلې سیالې بيغمک لوبډلې ته د ۳/۱ ميدانونو په توپير ماتې ورکړه او اتلولي يې خپله کړه.
د يادو سياليو موخه د واليبال لوبو ته وده ورکول او د کوچني اختر نمانځل و.
