ننګرهار؛ ګوشتې ولسوالۍ کې د ۳۲ لوبډلو ترمنځ د ټېپ بال کرېکټ سیالۍ پای ته ورسېدې
د ننګرهار ولایت د بدني روزنې او ورزش ریاست له لوري د یاد ولایت په ګوشتې ولسوالۍ کې د ۳۲ لوبدلو ترمنځ د ټېپ بال کرېکټ سیالۍ د دوړ خېل ځوانانو لوبډلې په اتلولي پای ته ورسېدې.
د یادو سیالیو پایلوبه کې دوړ خېل ځوانانو لوبډلې له خپل ۱۳۷ منډو هدف څخه دفاع وکړه او د اتو منډو په توپیر یې خپلې سیالې زیارت ډاګ ځوانانو لوبډلې ته ماتې ورکړه او اتلولي یې وګټله.
دا سیالۍ د ځوانانو ترمنځ د یووالي په موخه ترسره شوې، چې یوه میاشت یې دوام وکړ.
