بدخشان؛ نسي درواز ولسوالۍ کې د ۱۵۰ کورشکارانو ترمنځ د کورش سيالۍ ترسره شوې
د بدخشان ولایت د بدني روزنې او ورزش امريت اړوند د کورش ملي فدراسيون د استازولۍ له لوري د ياد ولايت په نسي درواز ولسوالۍ کې د ۱۵۰ کورشکارانو ترمنځ د کورش سيالۍ پای ته ورسېدې، چې درې ورځې يې دوام وکړ.
د دغو سياليو په پایله کې نسي درواز ولسوالۍ کورشکارانو د ۲۰ امتيازونو په ترلاسه کولو لومړی، شغنان ولسوالۍ د ۱۵ امتيازونو په ترلاسه کولو دويم او زاغ ها ولسوالۍ د ۱۰ امتيازونو په ترلاسه کولو سره بیا درېيم مقام خپل کړ.
د يادو سياليو موخه سيمه ييزو او دوديزو لوبو ته وده ورکول او د کورش ورزش دودول و، د سياليو په پای کې غوره کورشکارانو ته چمتو شوې ډالۍ ورکړل شوې.
