غزني؛ جغتو ولسوالۍ کې د ۲۸ لوبډلو ترمنځ د فوټسال درېيم پړاو سيالۍ پيل شوې
د غزني ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په جغتو ولسوالۍ کې د يووالي جام په نوم د ۲۸ لوبډلو ترمنځ د فوټسال سيالۍ پيل شوې.
د دغو سياليو په لومړۍ لوبه کې حاجي خان لوبډلې خپلې سیالې اتحاد لاغري لوبډلې ته د ۷/۱ ګولونو په توپير ماتې ورکړه او لومړۍ بريا يې خپله کړه.
د يادو سياليو موخه د جغتو ولسوالۍ د ځوانانو ترمنځ يووالی رامنځته کول او له نشه يي توکو څخه يې لېري والی دی.
