غزني کې د ۲۸ لوبډلو ترمنځ د نېزه وهلو سیالۍ د فتح محمد لوبډلې په اتلولۍ پای ته ورسېدې
د غزني ولایت د بدني روزنې او ورزش امریت اړوند د وزلوبې، نېزه وهلو او سیمه ییزو لوبو ملي فدراسیون د استازولۍ له لوري د یاد ولایت په اندړ ولسوالۍ کې د ۲۸ لوبډلو ترمنځ د نېزه وهلو سیالۍ د فتح محمد لوبډلې په اتلولۍ پای ته ورسېدې.
د دغو سیالیو په پایله کې حاجي فتح محمد لوبډلې د زیاتو امیتازونو په ترلاسه کولو سره لومړی، ګیرو لوبډلې دویم او روزي محمد لوبډلې بیا درېیم مقام خپل کړ.
د یادو سیالیو موخه د ورزشکارانو ترمنځ یووالی رامنځته کول او د نېزه وهلو ورزش ته وده ورکول و؛ د سیالیو په پای کې غوره ورزشکارانو ته چمتو شوې ډالۍ ورکړل شوې.
